सुपर कम्प्युटरदेखि ई-लाइब्रेरीसम्मका सुविधासहित यस्तो बन्दैछ त्रिवि आईओएसटीको आफ्नै भवन

काठमाडौं । त्रिभुवन विश्वविद्यालय विज्ञान तथा प्रविधि अध्ययन संस्थान (आईओएसटी) ले गत पुसमा आफ्नो ५३औँ वार्षिक दिवस मनायो । तर, स्थापना भएको पाँच दशकभन्दा बढी समय बितिसक्दा पनि संस्थानको आफ्नै प्रशासनिक भवन थिएन । हाल आईओएसटीको कार्यालय त्रिभुवन विश्वविद्यालयको पुरानो भीसी कार्यालय भवनबाट चल्दै आएको छ । यो भवन ०७२ सालको भूकम्पले पुर्‍याएको क्षतिका कारण अत्यन्तै जोखिमपूर्ण भवनमा सूचीकृत गरेर रातो स्टिकर टाँसिएको थियो । बस्नका लागि निकै असुरक्षित र खतरनाक भए पनि अर्को विकल्प नभएका कारण सोही भवनबाट आईओएसटीका दैनिक प्...