शुक्रबार सुनको मूल्य प्रतितोला २ लाख ९९ हजार ८०० रुपैयाँ कायम

काठमाडौँ, वैशाख ४ । स्थानीय बजारमा उतारचढावपूर्ण रहेको सुन तथा चाँदीको मूल्य शुक्रबार भने घटेको छ । बिहीबार प्रतितोला ३ लाख २ हजार ८०० रुपैयाँमा कारोबार भएको सुनको भाउ शुक्रबार प्रतितोला ३ हजार रुपैयाँले घटेर २ लाख ९९ हजार ८०० रुपैयाँमा कारोबार भएको छ ।

आज चाँदीको भाउ पनि घटेको छ । विहीबार प्रतितोला ५ हजार २५० रुपैयाँमा कारोबार भएको चाँदीको मूल्य शुक्रबार प्रतितोला १२० रुपैयाँले घटेर ५ हजार १३० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । अन्तर्राष्ट्रिय बजारमा प्रतिऔंश सुनको मूल्य ४ हजार ८००.८४ डलर तथा चाँदीको मूल्य ७९ डलर कायम भएको छ ।