महिला च्यालेन्ज ट्रफी : नेपालले घरेलु टोली रुवान्डालाई हरायो

आइसिसी महिला टि-२० च्यालेन्ज ट्रफीमा नेपालले घरेलु टोली रुवान्डालाई २ विकेटले पराजित गरेको छ।

बुधबार रुवान्डामा रहेको किगाली गहंगा क्रिकेट ओभलमा रुवान्डाले दिएको ८९ रनको लक्ष्य नेपालले १९ ओभर ४ बलमा ८ विकेट गुमाएर पूरा गर्यो।

नेपालको लागि ओपनर सम्झना खड्काले सर्वार्धिक ४८ रन बनाइन्। ४२ बल फेस गरेकी उनले ७ चौकासमेत प्रहार गरिन्। अर्का ओपनर बिन्दु रावल ८ रनमा पेभिलियन फर्किन्। कप्तान इन्दु बर्मा १ रनमै समेटिईन्।

त्यसअघि टस जितेर पहिला ब्याटिङ गरेको रुवान्डा १९ ओभर ४ बलमा अलआउट हुँदै ८८ रनमा समेटियो। रुवान्डको लागि एलिस इकुजेवले सर्वाधिक १७ रन बनाइन्। नेपालको लागि रचना चौधरीले सर्वाधिक ३ विकेट लिइन्।

त्यस्तै, पूजा महतो र कविता कुँवरले समान २२ विकेट लिँदा मनिष उपाध्याय र रिया शर्माले समान १ १ विकेट लिए।

कुल ५ टोलीको सहभागीता रहेको सो प्रतियामेगितामा नेपाल अमेरिकासँग पराजित हुँदा इटाली र घरेलु टोली रुवान्डामाथि जित हात पारेको छ।