जेनजी आन्दोलनमा भागेका सहकारी ठगीका कैदी पक्राउ

जेनजी आन्दोलनका क्रममा डिल्लीबजार कारागारबाट फरार भएका सहकारी ठगी मुद्दाका एक कैदी पक्राउ परेका छन्।

प्रहरीका अनुसार काभ्रेपलाञ्चोकको तेमाल गाउँपालिका-५ बस्ने सिबी लामा भनिने चन्द्रबहादुर तामाङ गत वर्ष भदौ २३ र २४ गते भएको जेनजी आन्दोलनका क्रममा डिल्लीबजार कारागारबाट फरार भएका थिए। उनलाई मकवानपुरको हेटौँडा उपमहानगरपालिका-९ बाट पक्राउ गरिएको हो।

पक्राउ परेका तामाङलाई आवश्यक कानुनी कारबाहीका लागि कारागार कार्यालय, भीमफेदी, मकवानपुर पठाइएको प्रहरीले जानकारी दिएको छ।